Masalimo 41:9 - Mawu a Mulluku

⁹ Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Masalimo 41:9 Iomraidhean Croise

2 Samuele 15:12

Abishalomu avelleelleeye mukutho o Hebroni, aarumiha mawu wa Ahitofele mulangizi a Davide o muzinda wa Gilo. Owukilanko wahunnuwa wunchichi. Nave athu ayo yaari vatulli va Abishalomu yaanaanjerereyanjerereya.

Yobu 19:13

Mulluku ookimwallaniha ni abalaaka, ohaatthattusa oodduwellana wonanko alleto.

Yobu 19:19

Akhwaaka a vamurimani attheene ennakiita, ayo kaakondilleemi aakirukunuwella.

Masalimo 101:3

miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Obadiya 1:7

awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”

Mika 7:5

Ohimuroromelleke munasaawo apaalle mukhwaawo a vamurimani. Ohaaheyeke okawana ddawiipittheya naari ni ookona omirimani wawo.

Mateyu 26:23

Yesu ahaakhulla wi, “Yooyo amurenre buledi mu embale nimodda ni miyaano, sika anaakivelleelle.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.