Masalimo 40:5 - Mawu a Mulluku

⁵ Nyu Apwiya Mullukwaaka, mooweerella ddoottikhiniha anchichi, moonikhonzera ddoolinga ddaphaama. Khaavo naari mmodda anaphwanaphwana ni nyuwaano. Keehina killota nave kitthopoolle dda ddenndda, ngiwora weerenga ddittheddene ekaamba ya waata wiiwa.

Masalimo 40:5 Iomraidhean Croise

Yobu 26:14

Nndda tti ddooyevave dda ettilla ddaye, ninniiwa vang'ono dda olliye moonong'ona. Vano ttaani aniiwesese dda ogugudeya wa masivaaye?”

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

Yobu 9:10

Olliye sika aneera dduullupalli ddoohiiweseseya, oyo aneera ddoottikhiniha ddooheerengeya.

Masalimo 136:4

Apwiya yaayove eneera ddoottikhiniha dduullupalli, echikondiiwa yoohisintheya tti ya enthawi yoohimalla.

Masalimo 139:6

Ezeru ddenndda tti ddookittikhiniha, tti ddoowallamella, ngiwora oddiphiyera.

Masalimo 71:15

Vayanoni vaka vineerollota ddoolungama ddanyu ni dda ovullusa wanyu nllapo nittheene, vawi nginadduwella waata wene.

Masalimo 73:28

Koma okhalla vakhuviru ni Mulluku onnakiddivella, koosimikiza wi Apwiya Mulluku sika woothawella waka, kineerollalleya mitteko ddiwa ddittheddene.

Masalimo 92:5

Nyu Apwiya, mitteko ddanyu khe wunnuwa wiwa! Maganizwaanyu khe owallamella wiwa!

Eksodo 11:8

Vano enduna ddanyu ddittheddene ddineeroowa wa miyaano wi ddikikokhorelle nave ddineerollota wi, “Venyaniwoni wuno nyu ni athwaanyu attheene!” Sika vatulli viwa, kineerovenyawo.’ ” Nave Mose aavenyawo wa Farao wulle ashille murima wunchichi.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yeremiya 29:11

Vawi kinnadduwella maganizo ayo kinaganizeemi dda nyuwaano. Maganizo amurendelle ohiri oonanara, awuuvahani muhoollo mwaphaama ni etiyerello yawoona.