Masalimo 4:8 - Mawu a Mulluku

⁸ Kineerokonaatthi ni okona mwamurendelle, vawi tti nyeeneve Apwiya munakiteteza miyaano.

Masalimo 4:8 Iomraidhean Croise

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Masalimo 3:5

Kinnakonaatthi nave kinnakona. Kinnavenya ohinase, vawi Apwiya ennakiseera.

Miyambo 3:24

Waakeraatthiki khawoovaka, waakonaka oneerekokhalla ni ekhove ddaphaama.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Levitiko 26:5

Muneerekewuuputha ddeko ophiyera enthawi yoorukulla ezipaso nave muneerekorukulla ezipaso ophiyera enthawi yawaalla. Muneerocha yoocha ophiyera muvonille nave muneerekokhalla mwiillaponaanyu mwamurendelle.

Deuteronomo 12:10

Mwallapuwa muhinje wa Yordani, Apwiya Mullukwaanyu eneerowaakhullellani okhalla mu ellapo eyo enuuvahiiwani wonanko yoohallanaanyu. Eneerowakiherani wa adanaanyu attheene wi mukhalle mwamurendelle.

1 Atesalonika 5:10

Olliyooyo aanikhwella hiyaano wi naari niri ni okumi apaalle nikhwille niwe nikhalle akumi vamodda ni yooyo aawaaka.

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”