Masalimo 4:1 - Mawu a Mulluku

¹ Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Masalimo 4:1 Iomraidhean Croise

Yobu 36:16

Mulluku ahuukhumihattho mu ddoohoosa wi uuhiye va nipuro noottaphuwa, noohimakeya, vatebuloni vawo viddalle ddoocha ddamakhura.

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

Masalimo 116:16

Nyu Apwiya, miyaano tti oorumeyellaanyu, oorumeyella, mwaana a mullupa muttekwaanyu aamutthiyana. Nyuwaano mookittaphulla onyolwaaka,

Masalimo 116:6

Apwiya ennaateteza athu awiiyeviha, kamorelleemi mu ddookatamiha, alliwa yaakivullusa.

Masalimo 119:132

Kiwehereni nave mukeerelle echifundo moollikana ni mmo munaweerelleenyu athu awuukondani.

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Masalimo 17:6

Kinaveka wa nyu Mulluku, kaambiiwa munnakaakhulla, kaapelleni maaru wi mwiiwe mawaaka.

Masalimo 22:1

Mullukwaaka, Mullukwaaka kaambiiwa tini mukihiyalleenyu? Kaambiiwa tini muhinakikavihereenyu naari vang'ono? Kaambiiwa tini muhiniiweenyu wiipullella waka?

Masalimo 24:5

Aneerewaakhella madaliso wa Apwiya, echilungamo wa Mulluku oovullusaaye.

Masalimo 25:16

Nyu Apwiya, kiweheni, keerelleni echifundo vawi kiri meekha nave koohoosiwa wunchichi.

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

Masalimo 41:12

Nyuwaano munnakiseera ekaamba ya ohilakwa waka, munnakikeraatthiha vamiitthoni vanyu wa enthawi yoohimalla.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.

Masalimo 45:1

Murimaaka wooddalla ni mwaha waphaama, kinamwiipella mwene echipwaakeella. Nllumi naka niri wonanko yoolembella ya muthu eeruso yoolemba.

Masalimo 56:1

Nyu Mulluku, mukeerelle echifundo vawi adanaaka ennakihoosa. Aakihella ekhoto ni okinyingallella nllapo nittheene.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 6:1

Apwiya, mu osha murima wanyu muhinakisimwella, mu onanariwa wanyu muhinakillaka.

Masalimo 67:1

Nyu Mulluku, muneerelle echifundo nave munidalise, ekhovaanyu eniwalelle.

Masalimo 76:1

Mulluku tti oodduwanyeya mu Yuda, nnddina naye tti nuullupalli mu Israele.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Habakuku 3:19

Apwiya Mulluku sika masivaaka, ennallipiha manyallwaaka wonanko a epaalla, ennakeetiha va mapuro aweellesesa.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

2 Akorinto 1:10

Aanivullusa ovenyera o ddawoopiha dda okhwa nave aneeronivullusattho nave etiyerellwaahu eri mwa olliye wi aneeronivullusattho wiilli.

2 Akorinto 1:8

Asinnihu ni arokorihu, ninaaka mudduwelle dda ddoohoosa noonilleehu mu echigawo ya Asiya.* Ddoohoosa ddahu ddaari dduullupalli ohiyana ni masivaahu. Nave khanaadduwella wi apaalle nineerokhalla ni okumi.

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”