Masalimo 39:6 - Mawu a Mulluku

⁶ Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Masalimo 39:6 Iomraidhean Croise

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Yobu 7:16

Okumaaka wookitopiha, ngikhalla wa enthawi yoohimalla, kihiyeni meekha, okumaaka tti mpweyave.

Yobu 7:7

Mulluku upuwellani, okumaaka tti wonanko mpweya, ngiwa koona erive ello yaphaama.

Masalimo 127:2

Munimoona wiihoosa, opeha ohinase ni okona mooselliwa, ophara mutteko mookatamiheya wi muphwanye yoocha. Valle Apwiya ennaavaha ookondiwiiwa ddoorama ddiwa alliwa yiikimakona.

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Masalimo 89:48

Ethiyo ttaani anaawore okhalla ni okumi, woohikhwa, ovullusa okumaaye o ellapo ya ookhwa?

Miyambo 13:22

Muthu aphaama annahiyera eyuuma edduullu ddaye koma oonanara eyuumaaye ennakhalla ya oolungama.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Miyambo 27:24

Eyuuma khenallekella omalla nave mibado kheddinallekellattho omalla.

Oollalleya 1:14

Ddittheddene ddaweereya vatthimva kooddoona. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 11:10

Sika vano venyiha ddookhupanyiha m'murimani mwawo, rapa ddawuuhoosa m'mwiillini mwawo. Vallethi esombwe ni enamwani tti ya mallapo ooyeva.

Oollalleya 12:13

Voomallihani, ddittheddene ddillotiwe tti ddawi omooveke Mulluku nave osungeke malamulwaaye vawi yeella sika yoophwanella weera muthu.

Oollalleya 12:8

“Ddittheddene khaddinna mutteko. Ddawoona, ddittheddene khaddinna mutteko!” Anallota tti Oollalleya.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 2:8

Kahiitthukumanihella siliva ni golide navettho eyuuma yoovenyera wa mamwene kaalamulelleemi. Kaakhallana ookiipella nchipo, aallopwana ni aatthiyaneene. Kaakhallanattho awaraka ang'onong'ono anchichi alle enaahakallalliha allopwana.

Oollalleya 5:14

Moorurumusa eyuumeeyo ennoonongeya nave khanakhallana ello yawi amuhiyere mwanaye.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Luka 12:26

Mwaahiworaka weera dding'onong'ono wonanko ddenndda, munakhupanyellati ni ddeko ddimoddannddo?

Luka 12:29

“Sika muhinakhupanyaka wi munaache tini apaalle munaawirye tini apaalle ddeko ddimodda.

1 Akorinto 7:31

ayo enaphariha mutteko ddeko dda vatthimva ekhalleke wonanko khennana mutteko ddekonnddo. Vawi ellapo yavattheella, mmo enooneyelliiwammu, khellekella omalla.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

Yakobo 5:3

Golidaanyu ni silivaanyu ookhalla ni murawa nave murawooyo sika oneerelle omboni wawuuvaanyihani nave oneerewoononga mwiillaanyu wonanko munllo. Mohiitthukumanihella eyuuma mallapo oomallihellaalla.

1 Petro 1:24

Mawu a Mulluku eni, “Athu attheene tti wonanko manasi, oreera wiwa tti wonanko malluwa oohakani. Manasi ennanyaalla, malluwa ennavakareya,

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.