Masalimo 39:12 - Mawu a Mulluku

¹² Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Masalimo 39:12 Iomraidhean Croise

Genesis 21:34

Nave aakhalla mu ellapo ya Afilisti wonanko mulleto enthawi yoorekama.

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

1 Epilli 29:15

Vawi hi tti alleto vamiitthoni vanyu, niri wonanko alleto mwiillaponi yaaneena monga makhollwaahu. Mallapwaahu ookhalla va ellapo yavatthi eri wonanko muuthuuchi nave khe voollekelliwa.

Yobu 13:28

Muthu anamalla wonanko ello yawunta, wonanko yoowara yoottakhuniwa ni enjenjete.

Yobu 16:20

Akhwaaka emmakinyindulla, miitthwaaka enarupa miitthori omwinllella Mulluku.

Masalimo 102:1

Nyu Apwiya, iwani nivekello naka, winlla waka ophiye wa nyuwaano.

Masalimo 116:3

Misampha dda okhwa ddaakaapheella, ddawoopiha dda ellapo ya ookhwa ddaakimorella, kahoona ddookatamiha, kaamoriwa ethakaraka.

Masalimo 119:19

Mi tti mulleto mu ellapo yavatthi, muhikiipitthihelle malamulwaanyu.

Masalimo 119:54

Malamulwaanyu aatthattuwa echipwaaka orive weko kinayeemi.

Masalimo 56:8

Munneerenga othawathawa waka, sungani miitthori ddaka m'munoni mwanyu. Ethiyo nndda khaddilembiwe munibukhuni mwanyu?

Masalimo 90:9

Vallethi mallapwaahu ennayeva ekaamba ya onanariwa wanyu, miyakha ddahu ddinnamalla wonanko ovuma omodda.

Levitiko 25:23

“Ethaya ehikullihiwe wa enthawi yoohimalla vawi ellapo tti yaaka. Wa miyaano, nyuwaano tti alleto navettho aweeteeta.

2 Akorinto 5:6

Sika ninnallipa murima wunchichi enthawi ddittheddene. Ninnadduwella wi nakhalla owaani m'mwiillini wa ellapo yavattheella ninnarekamellana ni owaani wa Apwiya.

Aheberi 11:13

Athu attheene yakhulupililallaalla yaakhwa ehinaakhelle ddeko nnddo Mulluku aalonjezilleeye. Koma yaaddoonella voorekama ni ohakallallana. Yahaakhullella wi yaari alleto a ellapo yavattheella.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.