Masalimo 39:1 - Mawu a Mulluku

¹ Kaallota wi, “Kineeropwatha ddaweera ddaka wi kihichimwe voollotani. Kineerowalla vayanoni vaka enthawi ettheene athu oonanara yakhalla ni miyaano.

Masalimo 39:1 Iomraidhean Croise

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

2 Mamwene 10:31

Koma Yehu khiiwellella malamulo a Apwiya Mulluku a Israele ni murimaaye muttheene. Aavirellellave weera ddoonanara nnddo Yerobowamu aachimwihalleeyena Aisraele.

1 Epilli 16:41

Athwaayo yaari vamodda ni Hemani ni Yedutuni ni amodda ayo yatthoolliwe mowaaromolla manddina wi yaathokozeke Apwiya vawi echikondiiwa yoohisintheya tti ya o enthawi yoohimalla.

Yobu 2:10

Koma Yobu aamwaakhulla wi, “Onallota wonanko mutthiyana ookarangeya. Ethiyo ttuwaakhella ddaphaama ovenyera wa Mulluku nave ttuukhoota waakhella ddoonanara? Va ddittheddenenndda Yobu khaachimwalle ni eyanwaaye.”

Masalimo 119:9

Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

Masalimo 12:4

Vallethi athu yaalla enallota wi, “Nineeropambana ekaamba ya nllumi nahu, eyano nookhallana, vano anaanigonjihe ttaani?”

Masalimo 141:3

Nyu Apwiya, mumuhiye mulonda vayanoni vaka, muwehere va mullako wa eyano ddaka.

Masalimo 34:13

Sika nllumi nawo nihilloteke ddoonanara, vayanoni vawo vihikhumeke ddoolleka.

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 77:1

Kinninllella moollipiha wa Mulluku, kinnakhuwella wa Mulluku wi akiiwe.

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Miyambo 21:23

Oyo anamaka nllumi ni ophara eyanwaaye khanaphwanya ddookatamiha.

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Akolose 4:5

Makhallellwaanyu va athu oohimukhulupilila Mulluku ekhalleke eezeru, muphariheke mutteko enthawaanyu vaweerani ddaphaama.

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

Yakobo 1:26

Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.