Masalimo 38:4 - Mawu a Mulluku

⁴ Machimwaaka ahunnuwa okikhwaranya miyaano, ennakillemella wonanko katundu ookhwaranya masivaaka.

Masalimo 38:4 Iomraidhean Croise

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Yobu 33:19

Annamullakattho muthu ni ddoovoreya vabedini vaye ni opwesa woohihiyerera wa m'makhuvani.

Masalimo 107:17

Amodda yaavoriiwa ekaamba ya ettilla ddiwa ddoonanara, ehoosiwa ekaamba ya machimwiiwa.

Masalimo 40:12

Kohaapheelliwa ni ddookatamiha ddooheerengeya, machimwaaka aakihuruwella sika ngiwora woona, tti manchichi okhwaranya meehi a m'muruni mwaka kootathilla murima wunchichi.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Maliro 1:14

“Ddoolakwa ddaka aaddimaka vamodda wi ddikhalle wonanko nigoli.* Aaddimaka ni mattiiwa nave aaddimakellella munikohini mwaka wi masivaaka emalle. Apwiya aakivelleella wa athu, ayo kihinaaworeemi ollipanana.”

Levitiko 7:18

Muthu ayicha enama ya mukutho wa eyaattanooyo va nllapo naneeraru, Mulluku khemwaakhella oyo awuvelleellooyo. Nave mukuthooyo khophura ello koma onaakhalle ello yooripihiwa nave oyo anaachooyo aneerophwanella ollakiwa.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.