Masalimo 36:8 - Mawu a Mulluku

⁸ Munnaachiha ddoonuna mpa mwanyu, munnaawiriha maaddi a mu muhinje wa madaliswaanyu.

Masalimo 36:8 Iomraidhean Croise

Yobu 20:17

Khawa oona mihinje dda makhura a olivi, apaalle asimihinje ddaweeta mukaka ni enwi.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

Masalimo 31:20

Munnaavittha vanipuroni muriinyu, munnaaseera o echiwembu ya adaniiwa. Munnaavittha ni waateteza phaama wi athu ehikanganekena.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Masalimo 63:5

Muneerokivoniha ni ddoonuna, kineerewuutitimihani ni mawu oohakallalla.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Yesaya 43:20

Enama ddamuhakani ddineerokiriiha, akhatwe ni anthiwatiwa eneerokititimiha, kaambiiwa kineereweetiha maaddi muchipululuni, mihinje mu ellapo yawumma wi kaavahe maaddi athwaaka ootthoolliwa.

Yesaya 48:21

Yaahoollelliiwa athwiiwa mu echipululu, alliwa kheyaavolliwalle nthona, yahaavaha maaddi ookhuma vanllukuni, yaatthalla nllukunno nave mwaakhuma maaddi.

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mateyu 5:6

Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.