Masalimo 36:4 - Mawu a Mulluku

⁴ Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

Masalimo 36:4 Iomraidhean Croise

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

Estere 6:4

Mwene aakoha wi, “Ethiyo ttaani oyo ari muwari mwa nthato?” Enthawi yeeyo sika Hamani avollowille wene mu nthato na otte wa enyumba yoomwene wi amulleelle mwene dda omutthomeya Mordekai va muteekho ampotokoselleeyoolle.

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

Masalimo 38:12

Awaashaasha okumaaka, ennakireya millapa, oopaalla okivoreya ennallota ddookoononga, nllapo nittheene ennapanganella ddoonanara.

Masalimo 52:3

Onnakonda ddoonanara okhwaranya ddaphaama, onnaddivelliwa ddawoottha okhwaranya ddawoona.

Masalimo 97:10

Apwiya ennaakonda athu awiitana ni ddoonanara, ennasunga okumi wa athwiiwa oororomelleya, ennaavullusa m'mattani mwa athu oonanara.

Miyambo 24:2

vawi mirima ddiwa ddinnaganizera ddoowukila nave eyano ddiwa ddinnallota ddeekuku.

Miyambo 24:23

Alla tti malangizo mamodda a athu eezeru. Okondella vookamullani muthu khe ello yaphaama.

Miyambo 4:16

Vawi khenakona ophiyera yeerille ello yoonanara. Ekhove kheddinawa ophiyera emukwakwatuwihalle mmodda.

Yesaya 65:2

Nllapo nittheene kaawaakhella ni mattaaka mattheene mutundu olla woohiiwellella ni woowukila, waweera ddoonanara voothwarani ettilla ddiwa ni ddoopaalla ddiwa.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 8:6

Kahaapella maaru nave kahiiwa koma kheyaallotillevo ddawoona. Khaavo arive oochimwa oyo oonihalle wi oolapa anallota wi, ‘Kenre tini mi?’ Koma arive muthu anathwara ettilla ddaye wonanko kavalo oothamakella ekhoto.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Mika 2:1

Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Mateyu 27:1

Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Mitteko 23:12

Ohinase Ayuda amodda yaakumana vamodda nave yiiwanana moollupella wi khecha apaalle owirya ophiyera emwiiphalle Paulo.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.

1 Samuele 19:11

Mahiiyu yaayo Saulo ahaaruma athu o enyumba ya Davide wi yamwiipitthelle wi emwiiphe ohinase. Koma Mikala aamulleella mamune Davide wi, “Mwaahithawa mahiiyu vaava osiisello munimiiphiwa.”