Masalimo 34:4 - Mawu a Mulluku

⁴ Kaavekella wa Apwiya nave yaakaakhulla, yaakivullusa o ddittheddene kaddooveemi.

Masalimo 34:4 Iomraidhean Croise

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 22:24

Vawi kheyaamuvevullalle muthu oohoosiwa, kheyaananariwalle ni ohoosiwa waye. Khemwiipitthihelle ekhoviiwa, koma yaamwiiwa inlleeye.”

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.

Masalimo 35:27

Koma ayo enapaalla wi kiphwanyeye oohilakwa, ekhuweke moohakallalla wi, ‘Apwiya tti uullupalli, ennahakallalla oorumeyelliiwa ddamweetella phaama.’

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Masalimo 46:2

Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,

Masalimo 56:3

Kawooveemi, kuuroromellani nyuwaano.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yona 2:2

Aallota wi, “Nyu Apwiya, kaariimi mu mahame kaawiithanani, nave mwaakaakhulla. Mi vookhallani mu ellapo ya ookhwa kahinllella wa nyu wi mukikavihere, nave mwahaakhella nivekello naka.

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Luka 11:9

Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Samuele 27:1

Vano Davide aaganiza m'murimani mwaye wi, “Nllapo nimodda Saulo aneerokiipha. Ettilla yaphaama wi kivulluwe tti yawi kithawelle wa Afilisti. Vano Saulo aneerohiya okaashaasha mu ellapo ya Israele nave kineerovulluwa m'mattani mwaye.”