Masalimo 33:7 - Mawu a Mulluku

⁷ Yahaatthukumaniha vamodda maaddi a mu enyanja yoowallamella, yaahiyella mookomella mwiwa wi ehisefukelle.

Masalimo 33:7 Iomraidhean Croise

Yobu 26:10

Oolemba malire vamaaddini wonanko muura, oohiyaniha variyari va owala ni epiphi.

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Eksodo 15:8

Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Miyambo 8:29

Yaphaddiiwa malire a enyanja wi maaddi ehilluphe, yakeraatthihiiwa matthipello a ellapo yavatthi.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Habakuku 3:15

Mwaanyingalla enyanja ni akavalwaanyu, maaddi amasiva manchichi yaapanga niphoru.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.