Masalimo 33:4 - Mawu a Mulluku

⁴ Mawu a Apwiya tti awoona, ddaweera ddiwa ddittheddene tti ddoororomelleya.

Masalimo 33:4 Iomraidhean Croise

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Masalimo 19:8

Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Masalimo 25:10

Ettilla ddittheddene dda Apwiya tti dda echikondi yoohisintheya, tti ddoororomelleya wa athu oosunga echipanganwiiwa ni malamulwiiwa.

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Mika 2:7

Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Aroma 7:12

Vano malamulo mattheene tti aweella, awoona navettho aphaama.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.