Masalimo 33:3 - Mawu a Mulluku

³ Wiipelleni nchipo nanaanweene, kwatchani enthambonnddo mweeruso ni okhuwa moohakallalla.

Masalimo 33:3 Iomraidhean Croise

1 Epilli 13:8

Vano Davide ni Aisraele attheene yaari ehakallallaka ni murimiiwa muttheene vamiitthoni va Mulluku, enamwiipella machipo ni azeze, magitala, ekoma, misangwa ni mapallapata.

1 Epilli 15:22

Kenaniya, oohoollella a Alevi vawiipani machipo sika aahoollella wiipanko vawi aari eeruso.

1 Epilli 25:7

Athu attheenaalla yaakhalla ni eruso vawiipani nave abaliiwa yaahudderattho phaama owiipella Apwiya. Attheene vamodda yaari athu 288.

2 Epilli 34:12

Vano athwaayo yaaphara mutteko moororomelleya. Akapitawiiwa yaari Alevi, Yahati ni Obadiya edduullu dda Merari, Zekariya ni Meshulamu edduullu dda Kohati. Alevi attheene eeruso yawiipa ezida ddawiipella machipo

Masalimo 144:9

Nyu Mulluku kineerowiipellani nchipo nanaanweene, kineerowiipellani echida ya enthambo khumi.

Masalimo 149:1

Aleluya! Wiipelleni Apwiya nchipo nanaanweene, ipani nchipo nowaatitimiha va mutthukumano wa oororomelliwa.

Masalimo 40:3

Yaahiya nchipo nanaanweene muwano mwaka, nchipo noomutitimiha Mullukwaaka. Athu anchichi eneeroddoona ddenndda nave eneerewoova ni waaroromella Apwiya.

Masalimo 40:4

Oodala tti muthu oyo anaaroromella Apwiya, muthu oyo ahinahapuwella o mafano, othwara milluku ddawoottha.

Masalimo 96:1

Wiipelleni Apwiya nchipo nanaanweene! Wiipelleni Apwiya, nyu athu a va ellapo yavatthi ettheene.

Masalimo 98:1

Wiipelleni Apwiya nchipo nanaanweene, vawi aheera ddoottikhiniha. Nnattanatta niwa nohaapambaniha muwonwiiwa waweella wohaavullusa.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.