Masalimo 33:16 - Mawu a Mulluku

¹⁶ Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Masalimo 33:16 Iomraidhean Croise

1 Mamwene 20:10

Benihadadi aarumihattho mawu wa Ahabu wi, “Kineeroowa ni athwaaka anchichi wi koononge muzindaawo ni owutthattusa nthupi. Milluku ddikillake kaaheera ddenndda.”

1 Mamwene 20:15

Sika Ahabu ahaatthukumaniha akhoto a enduna dda mu ezigawo nave attheene vamodda yaarivo 232. Vatulli viwa aatthukumanihattho mulloko wa akhoto 7,000 a o Israele.

2 Epilli 13:8

Vano nyuwaano munaganiza ddoollipana ni omwene wa Apwiya wi muwaakhe ovenyera wa anamwani a Davide vawi nyu muri anchichi nave mookhallana mafano a asaanaang'ombe agolide uupangelleni Yerobowamu wi ekhalle milluku ddanyu.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

2 Epilli 20:23

Aamoni ni Amowabu yahaawukila athu a o mwaango wa Seiri nave yahaagonjiha. Vatulli viwa yahaamba wiiphana anayaayove.

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

Yobu 36:7

Khanavenyihavo miitthwaaye va oolungama annaakhullella wi elamulelle monga mamwene, annaweeriha wi evahiweke olemu wa enthawi yoohimalla.

Yobu 39:11

Ethiyo ttuuroromella enari ekaamba ya masiviiwa, apaalle ttuuyihiyera muttekwaawo?

Masalimo 20:8

Adani eneerotthomowa emore, koma hiyaano nineerovenya niimelle.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Eksodo 14:28

Nave maaddaayo yaakumanella, emirya magaretaalle ni oowella va akavalwaayo, mulloko muttheene wa akhoto a Farao olle waathwara Aisraele. Khaarivo naari mmodda avulluwalle.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Yeremiya 48:14

“Ethiyo munawora mwawiidde ollota wi, ‘Hiyaano sika oovuwa, allupa ekhoto amasiva?’

Yeremiya 9:23

Apwiya enallota wi, “Muthu eezeru ahiitukhulle ni ezeru ddaye, naari muthu amasiva ni masivaaye, naarittho muthu eeyuuma ni eyuumaaye.

Hoseya 10:13

Mwahaalla ddoolakwa nave mwaahata ohilungama, moocha ezipaso ddiwa dda ddawoottha. Ekaamba yawi munaroromella magaretaanyu ni waata wa athwaanyu akhoto,

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

Amosi 2:15

Amiira khawa allipattho, oothamakesesa khavulluwa, oowella va akavalo khavullusa okumaaye.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”

Oweeruza 7:2

Apwiya yaamulleella Gideoni wi, “Athu oriiwenaalla aakaatella wi kaagonjihe Amidiyani, ekaamba yawi Aisraele eneerokivevulla miyaano voollotani wi, ‘Niivullusalle ni masivaahu.’

Oweeruza 7:4

Apwiya yaamulleellattho Gideoni wi, “Athwaalla aakaatellattho. Waakuse oyeena omuhinjeni, wenko kineeroweesa meekha munipuroni mwa weyaano. Nave kallota wi, ‘Oyo athaananena,’ athaananena nave oyo kinaawuulleelleemi wi, ‘Olla ahithaananena,’ ahithaananena.”

1 Samuele 17:4

Vano omisasani wa Afilisti waakhuma muthu mmodda amasiva oovenyera o Gati, nnddina naye Goliati. Ari oorekama vakhuviru mamita mararu.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.