Masalimo 33:10 - Mawu a Mulluku

¹⁰ Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Masalimo 33:10 Iomraidhean Croise

Genesis 11:8

Sika Apwiya yahaamwara athwaayo va ellapo yavatthi ettheene nave athwaayo yaahiya omaka muzindooyo.

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

2 Samuele 15:34

Koma weyaano ohokollweelle omuzindani wamulleelle Abishalomu wi, ‘Nyu mwene, mi kinaakhalle oorumeyellaanyu. Valle khalle kaari oowaarumeyella aattiitthaanyu, emoddamoddave yeeyo vano kinaakhalle oorumeyellaanyu.’ Koma wavaanyiheke erive malangizo ayo Ahitofele anaavelleellekeeye.

2 Samuele 17:14

Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Mamwene 6:9

Koma Elisha aarumiha mawu wa mwene a o Israele wi, “Chenjerani, muhiyeewo o nipuro nawi yoori vawi Asiriya yiipitthalle wenko.”

Nehemiya 4:9

Naavekella wa Mullukwaahu nave nahaahiyavo alonda wi enitetezeke wa adanaahu otthaana ni mahiiyu.

Masalimo 140:8

Nyu Apwiya, muhinamuvaha muthu oonanara ddoopaalla ddaye, muhinamukavihera echiwembwaaye.

Masalimo 21:11

Yaaganizeraka omweerella yoonanara ni omuvoreya, ehiwore,

Masalimo 9:15

Athu a mitundu ddimodda aamorella mu nlliti nno yakatilliiwa weekhiiwa. Nnyallo niwa nohaanga mu nthavi nawiipittheya nno yareyilliiwa weekhiiwa.

Miyambo 21:30

Khaviri ezeru wiiwesesa apaalle malangizo owaapambana Apwiya.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’