Masalimo 32:8 - Mawu a Mulluku

⁸ Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Masalimo 32:8 Iomraidhean Croise

Genesis 24:48

Vano kaakokhora vatthi kaatitimiha Apwiya. Kahaatitimiha Apwiya Mulluku a apwiyaaka Abrahamu, ekaamba yookihoollella phaama wunchichi. Apwiya aakiphiyiha wa mbaliiwa a apwiyaaka, nko kimphwanyeemiwo mwanaye oyo anaakhalle mwaara a mwaana a apwiyaaka.

2 Samuele 22:33

Mullukoolla sika mpandaaka wamasiva, annakivenyihella ddawoopiha muttillani mwaka.

1 Mamwene 8:36

vano mwiiweke oddullunko ni okhululukella machimo a oorumeyellaanyu, Aisraele attheene. Nyuwaano mwaahuddiheke makhallello aphaama awi yeereke nave mumurupihe murimu mu ellapo eyo mwaavahilleenyu wi ekhalle yoohallaniiwa.

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Masalimo 33:18

Apwiya ennaawehera athu oowiiwellella, ootiyera echikondiiwa yoohisintheya,

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Yesaya 48:17

Apwiya, Oowoopollaawo, Aweella a Israele enallota wi, “Mi tti Apwiya Mullukwaawo, ayo enuuhuddiha wi ddeko ddiweetelleke phaama, ayo enuuhoollella va ettilla yoophwanella oyithwara.

Yesaya 49:10

khevolliwa ettalla apaalle nthona. Ephevo yooviha apaalle nndduwa khaddiwoosa kaambiiwa oyo anaweerella echifundo aneerewaahoollella ni waavelleella o aneetuutu.

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.