Masalimo 3:7 - Mawu a Mulluku

⁷ Nyu Apwiya venyani! Nyu Mullukwaaka kivulluseni! Vawi munnawuukutha adanaaka etwaatwara, munnaakhulla miino athu oonanaraayo.

Masalimo 3:7 Iomraidhean Croise

2 Samuele 18:8

Ekhotweeyo yaamwareyella ellapo ettheeneeyo nave athu ayo yakhwelle muutthakoni yaari anchichi waakhwaranya ayo yiiphiwe ni nsupada.

Yobu 16:10

Athu ennakivevulla ni eyano ddiwa, enakuukutha vanramani mweepewe, ennatthukumana ollipana ni miyaano.

Yobu 29:17

Kaawinttaka etwaatwara athu eekuku, kaanawaakiha oopaniwa owanoni wiwa.

Masalimo 10:12

Apwiya, venyani! Mulluku, onihani masivaanyu, muhinaatiwalla oohoosiwa.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 27:3

Naari mulloko wakhoto okaapheelle, murimaaka khotthukumella naari vang'ono. Naari ekhoto enyanyuwe ollipana ni miyaano, ngihiya wuuroromellani.

Masalimo 35:23

Nyu Mullukwaaka ni Apwiyaaka, venyani, hankoni mukiseere va mullatwaaka.

Masalimo 44:23

Nyu Apwiya venyani! Kaambiiwa tini munakoneenyu? Venyani, muhinanikhoota wa enthawi yoohimalla.

Masalimo 58:6

Nyu Mulluku, khullani miino muwano mwiwa, nyu Apwiya, kaddani etwaatwara dda mikangonndda.

Masalimo 59:5

Nyu Apwiya Mulluku Amasiva Mattheene, Mulluku a Israele, venyani wi mwaallake athu attheene a mitundu ddimodda ddittheddene. Muhinamweerella echifundo arive muthu mwa athu oolleka ni eechiwembu.

Masalimo 6:4

Hokollowani Apwiya, waawoni mukaakihere, kivulluseni ekaamba ya echikondaanyu yoohisintheya

Masalimo 7:6

Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

Masalimo 74:11

Kaambiiwa tini munahokolloseenyu nnatta nanyu noonikavihera? Nnatta nanyu ninakhallella tini vakhakaddani vanyu?

Masalimo 76:9

nyu Mulluku, mwiimenlleenyu wi muweeruze athu ni waavullusa oonyingallelliwa attheene a va ellapo yavatthi.

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Maliro 3:30

Avelleelle nrama naye wa oopaalla omuukutha, avillelle ddoomunyaambusa ddittheddene.

Habakuku 2:19

Otulli wa oollota ni muteekho wi, “Venya!” Apaalle wa nlluku noohikhalla ni okumi wi, “Imella!” Ethiyo ddenndda ttuulangiza? Ngoona, yoohuruwelliwa ni golide ni siliva muwari mwiwa khamuri okumi.