Masalimo 3:3 - Mawu a Mulluku

³ Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Masalimo 3:3 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 40:13

Vavira mallapo mararu, Farao aneerewuukhumiha mundendenimmu, eneerewuuttaphulla nave aneerewuuhokollosella vamuttekoni vawo. Sika vano onaamuvelleelleke vinyo wa Farao wonanko weerelliiwa khalle.

2 Mamwene 18:30

Muhaakhullelle wi Hezekiya awoottottheni vawuulleellani wi muroromelle wi Apwiya eneerewuuvullusani nave wi mi mwene a o Asiriya ngiwaakha muzindaanyu.

2 Mamwene 18:32

Muneereke ddiiddo ophiyera mwene uukusalleni oya o ellapo yoophwanaphwana ni yawinyweella, ellapo ya tirigu ni vinyo, ya buledi ni emata ddampesa, ya miteekho dda olivi ni enwi wi wenko mwakhalle ni okumi, oohikhwa. Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani.

2 Mamwene 25:27

Va nllapo na 27 na mweeri waneekhumi ni piilli m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini voomukhumihani mundende.

Masalimo 110:7

Muttilla, mwene aneerowirya m'muhinjeni, eneerewiinuwiha miru mookotella.

Masalimo 119:114

Nyuwaano tti mwawiipitthamo mwaka, echishangwaaka kinnaroromella mawaanyu.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 27:6

Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Masalimo 4:3

Koma vano mudduwelle wi, Apwiya Ahiipatulella athu oolungama. Apwiya enniiwa kaawiithanaka.

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yesaya 45:25

Mwa mi Apwiya edduullu dda Israele ddineerolungamihiwa ni ohakallallihiwa.”

Yesaya 60:19

Khaviwa vipaalleyattho nndduwa wi nuumolleelle otthaana apaalle mweeri wi wuumolleelle mahiiyu. Koma mi Apwiya sika kinaakhalle omolleella wawo woohimalla, miyaano Mullukwaawo sika kinaakhalle owala wawo.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.