Masalimo 29:2 - Mawu a Mulluku

² Titimihani oriiheya wa nnddina na Apwiya, llapellani oreera wa weella wiwa.

Masalimo 29:2 Iomraidhean Croise

2 Epilli 20:21

Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Masalimo 97:9

Nyu Apwiya Amasiva Mattheene, tti oolamulella ellapo yavatthi ettheene, okhwaranya milluku ddittheddene.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.