Masalimo 28:9 - Mawu a Mulluku

⁹ Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Masalimo 28:9 Iomraidhean Croise

2 Samuele 21:3

Vano Davide ahaakoha Agibiyonaayo wi, “Ethiyo munapaalla kiweerelleni tini? Kipepese mwawiidde wi mudalise yoohallana ya Apwiya?”

2 Samuele 7:7

M'mapuroni mattheene keetilleemi ni Aisraele, ethiyo kaambilleke ollota wa mmodda a oweeruza a Aisraele, ayo kaalamulalleemi wi yaawehereke athwaaka wi kaambiiwa tini ehikimakenlliiwa enyumba ya miteekho ddamukunguza?’

1 Mamwene 8:51

Alliwa tti athwaanyu, yoohallanaanyu eyo mwayikhumihalleenyu o Iguputo, owaapulla mu eng'anjo yooviha.”

1 Mamwene 8:53

Nyu Apwiya Mulluku mwahaapatula alliwa variyari va athu attheene wi ekhalle yoohallanaanyu, moollikana ni mmo mwallotelleenyu ni oorumeyellaanyu Mose mwaakhumiheenyu makhollwaahu mu Iguputo.”

Ezara 1:4

Sika Aisraele oohalla ni okumi orive weko enakhalliiwa ekaviheriwe ni aneetthi a ellapweeyo. Yaavahe siliva, golide, katundu, eziweto ddoovelleella dda opaalla wiwa ddoomakellattho enyumba ya Mulluku o Yerusalemu.”

Masalimo 14:7

Ovullusiwa wa Israele ophiye ovenyera o Ziyoni. Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Masalimo 25:22

Nyu Mulluku, avulluseni athwaanyu Aisraele mu ddookatamiha ddiwa ddittheddene.

Masalimo 78:71

Amukusalle nko achiheeyewo enkhosa nnddo ddaari ni asaana, wi akhalle mbusa a Yakobo, athwaaye, a Israele, yoohallanaaye.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yesaya 46:3

“Nyu edduullu dda Yakobo, kiiwellelleni, nyu attheene oohalla a mu nibanja ya Israele. Kohuupwathani ovenyera eyariwellwaanyu, kahuutukhullani waambeella m'mirimani mwa ameenyu.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Deuteronomo 1:31

ni muchipululuni mulle. Nyuwaano mwahoona mmo yuuphiyihalleewani wuno mu ettilla ettheene nave wi yahuuweherani wonanko mmo muthu anamutukhullelleeye mwaana.’

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

Deuteronomo 9:26

Nave kaavekella wa Apwiya wi, Nyu Apwiya Mulluku, pepaani muhiwoononge athu ayo mwaatthoollilleenyu wi ekhalle yoohallanaanyu. Athu yaalla mwaawoopolla nave mwahaakhumiha ni masivaanyu muullupalli o Iguputo.

Deuteronomo 9:29

Koma athwaalla mwahaatthoolla wi ekhalle yoohallanaanyu sika mwahaakhumiha ni masivaanyu muullupalli nave ni ekophollo ddanyu mu Iguputo.”