Masalimo 27:6 - Mawu a Mulluku

⁶ Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 27:6 Iomraidhean Croise

Genesis 40:13

Vavira mallapo mararu, Farao aneerewuukhumiha mundendenimmu, eneerewuuttaphulla nave aneerewuuhokollosella vamuttekoni vawo. Sika vano onaamuvelleelleke vinyo wa Farao wonanko weerelliiwa khalle.

Genesis 40:20

Viviralle mallapo mararu, vaakhalla machellello oohakallallella nllapo nooyariwa Farao nave Farao ahiithaniha enduna ddaye ddittheddene. Aamukhumiha mundendeni oovelleella vinyoolle vamoddattho ni oomwaapeya buledoolle. Eellaalle aawiimesa vamiitthoni va enduna ddayenndde.

2 Samuele 22:1

Nllapo nno Apwiya yamuvullusalliiwa wa adanaaye attheene owaaka wa Saulo,

2 Samuele 22:49

Nyu sika mwakivullusalle wa adanaaka, mwaakiwelliha okhwaranya ookiwukila, mwaakaakihera wa athu eekuku.

2 Samuele 7:9

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

2 Mamwene 25:27

Va nllapo na 27 na mweeri waneekhumi ni piilli m'muyakha wa 37 wa okaporo wa Yehoyakini mwene a o Yuda, Evili Merodaki mwene a o Babiloni avollowille wene omwene, aamweerella echifundo Yehoyakini voomukhumihani mundende.

1 Epilli 22:18

“Ethiyo Apwiya Mullukwaanyu khari ni nyuwaano? Nave khaawuuvahilleni murendelle o embali ddittheddene? Vawi yohaavelleella aneetthi attheene a mwiillaponimmu m'mattani mwaka mwawi ahaagonjella Apwiya ni athwiiwa mwawi yoogonjihiwa vamodda ni athwiiwa.

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Masalimo 110:7

Muttilla, mwene aneerowirya m'muhinjeni, eneerewiinuwiha miru mookotella.

Masalimo 119:108

Nyu Apwiya, akhellani mavekellwaaka oothokoza, mukihuddihe malangizwaanyu.

Masalimo 138:5

Eneerewiipa machipo ootitimiha ettilla dda Apwiya vawi ntitimiho na Apwiya tti nuullupalli.

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

Masalimo 21:13

Nyu Apwiya mutitimiheye ekaamba ya masivaanyu, nineerewiipa ni otetheella masivaanyu muullupalli.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

Masalimo 47:1

Nyu athu a mitundu ddittheddene, opani matta, khuwellani wa Mulluku voowiipani machipo oohakallalla.

Masalimo 57:8

We murimaaka venya, nyu zeze ni gitala, inllani! Kineerovenyiha nndduwa ni nchipo naka.

Masalimo 81:1

Ipani moothapella wa Mulluku amasivaahu, khuwani moohakallalla wa Mulluku a Yakobo.

Masalimo 95:1

Waawoni niwiipelle Apwiya, hankoni nikhuwe moohakallalla wa alliwa, nlluku na ovullusiwa wahu.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.