Masalimo 27:4 - Mawu a Mulluku

⁴ Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Masalimo 27:4 Iomraidhean Croise

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Masalimo 23:6

Ddawoona, ddooreera ddanyu ni echikondaanyu yoohisintheya, ddinaakhalle ni miyaano okumaaka muttheene, kinaakhalleke mpa mwanyu wa enthawi yoohimalla.

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Masalimo 26:8

Nyu Apwiya, kinnakonda enyumba eyo munakhalleenyumo, onipuroni nko ori ntitimiho nanyu.

Masalimo 27:8

Kinnuupuwella, mwaallota wi, “Mwaashaasheke ekhovaaka.” Murimaaka waallota wi, “Nyu Apwiya kinnaashaasha ekhovaanyu.”

Masalimo 50:2

Apwiya ennawala mu Ziyoni, muzindiiwa wooreeresesa.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 84:4

Oodala tti athu ayo enakhalla mpa mwanyu, eniipa machipo awuutitimihani enthawi ettheene.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Yeremiya 29:13

Muneerokaashaasha nave muneerokiphwanya. Ddawoona, mwakaashaasha ni murima muttheene,

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Luka 10:42

Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Afilipi 3:13

Ddawoona, asinnaka ni arokoraka, ngineesa kohaakhella khalle. Koma ello emodda kineereemi tti otiwalla ddakhalle koma oollipihella wi kaphwanye ddamuhoollo.

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.

Aheberi 11:6

Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

1 Samuele 22:10

Nave Ahimeleki ahaakoha Apwiya ddoophwanella wi Davide eere. Vano aamuvaha yoocha, amwinnyattho nsupada na Goliati, Mufilistoolle.”

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”