Masalimo 27:3 - Mawu a Mulluku

³ Naari mulloko wakhoto okaapheelle, murimaaka khotthukumella naari vang'ono. Naari ekhoto enyanyuwe ollipana ni miyaano, ngihiya wuuroromellani.

Masalimo 27:3 Iomraidhean Croise

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

Yobu 4:6

Ethiyo eroromellwaawo kheri mu omoova wawo Mulluku? Etiyerellwaayo kheri mu ohichimwa wawo?

Masalimo 112:7

Khanoova epilli yoonanara, murimaaye khonasintheya, annaaroromella Apwiya.

Masalimo 3:6

Nginawoova adanaaka naari eri anchichi, ayo ekaaphenlle ni owana ni miyaano.

Masalimo 3:7

Nyu Apwiya venyani! Nyu Mullukwaaka kivulluseni! Vawi munnawuukutha adanaaka etwaatwara, munnaakhulla miino athu oonanaraayo.

Masalimo 52:6

Oolungama eneerewoona ni woova, eneerewuuttheya voollotani wi,

Afilipi 1:28

Muhiwooveke adanaanyu mu erive ello vawi yeella eneerewaasimikizella wi eneerewoonongiwa nave nyuwaano muneerovulluwa kaambiiwa Mulluku sika anuuvulluseni.

1 Petro 3:14

Oodalisiwa tti nyu munahoosiwa ekaamba ya weera ddaphaama! Muhimooveke arive muthu nave muhikhupanyeke.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

1 Samuele 19:8

Ekhoto emodda yahaambeyattho. Davide aaya awana ni Afilisti ni owiipha athu anchichi ophiyera wi Afilistaayo yaathawa.