Masalimo 27:11 - Mawu a Mulluku

¹¹ Nyu Apwiya kihuddiheni ettilla ddanyu, kihoollelleni mu ettilla ddoosalala kaambiiwa kookhalla ni adani anchichi.

Masalimo 27:11 Iomraidhean Croise

Masalimo 119:10

Kinnawaashaashani ni murimaaka muttheene, muhaakhullelle wi kihollowe ohiya malamulwaanyu.

Masalimo 139:24

Moone kaarimi kithwaraka erive ettilla yoonanara, mukihoollelle mu ettillaanyu yoohimalla.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Masalimo 25:9

Ennaahoollella awiiyeviha weera ddoolungama, ennaahuddiha ettilla ddiwa.

Masalimo 26:12

Kookeraattheya vanipuroni noohikatamiha, kineerewaatitimiha Apwiya va mutthukumano muullupalli.

Masalimo 5:8

Apwiya, kihoollelleni mu echilungamwaanyu, ekaamba ya adanaaka. Kipotokoselleni ettilla munapaalleenyu wi kithware.

Masalimo 5:9

Vawi muwano mwa adanaaka mooddalla ddawoottha. Murimiiwa onnapaalla woononga. Ommilloni wiwa tti wonanko mahame ookatakata, nllumi niwa ninnallota ddoolleka.

Masalimo 54:5

aneerewaahokollosella ddoonanara adanaaka. Nyu Apwiya, woonongeni ekaamba ya ororomelleya wanyu.

Masalimo 64:6

Ennaganiza ddoonanara enallota wi, “Noopanga moochenjera echiwembwaahu.” Ddooganiza ni ddoopaalla murima wa muthu tti ddoowallamella.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Miyambo 15:19

Meetello a muthu oolesi tti mpanda wamiiwa koma ettilla ya awookowa murima tti musewu woovuhellelliwa phaama.

Miyambo 8:9

Mattheene tti aphaama wa ayo eniiwesesa, oolungama wa ayo enaphwanya ezeru.

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.