Masalimo 26:9 - Mawu a Mulluku

⁹ Muhikitathillelle nimodda ni oochimwa, muhikivenyihelle okumi nimodda ni awiipha,

Masalimo 26:9 Iomraidhean Croise

2 Samuele 16:7

Shimei vooruwanani eehina, “Venyavo, venyavo, we muthu oowiipha athu, muthu oonanara.

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Masalimo 139:19

Nyu Mulluku, wakhalla wooworeya woonongeni athu oonanara, kivenyiherenivoni athu oomoriha nikhame.

Masalimo 51:14

Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Mateyu 24:51

Apwinnyaalle eneeromuphaddaphadda nave eneeromullaka wonanko athu awoottha. Eneerekewinlla ni okhuuriha miino.

Mateyu 25:32

Nave athu a mitundu ddittheddene eneerotthukumanihiwa vamiitthoni vaka. Vano kineerewaahiyaniha mmodda ni mukhwaaye wonanko mmo mbusa anahiyaniheeye enkhosa ni epuri.

Mateyu 25:44

Vano eneeromwaakhulla wi, ‘Apwiya, nawonneni niini nyuwaano muvolliwe ettalla apaalle muvolliwe nthona apaalle muri mulleto apaalle muhiri ni yoowara apaalle muri oovoriiwa apaalle muri mundende, hiyaano nihuurumeyellani?’

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

1 Samuele 25:29

Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.