Biblia Todo Logo
Bìoball air-loidhne

- Sanasan -




Masalimo 25:3 - Mawu a Mulluku

3 Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

Faic an caibideil Dèan lethbhreac




Masalimo 25:3
32 Iomraidhean Croise  

“Zebuloni anaakhalleke mukhwipi mwa enyanja, madokwaaye eneerokhalla mapuro a echombo, ellapwaaye eneerophiya o Sidoni.”


Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa


Virive veko ennakillotella mawu ookiita, ennakillika vihiri ekaamba.


Athu awiitukhulla mwaawullihe muru kaambiiwa aakilakwella vookoottherani. Koma kineeroganizera dda malamulwaanyu.


Mmo allupa mutteko aallopwana enaweheriiwa o nnatta na apwiiwa, mmo allupa mutteko aatthiyana enaweheriiwa o nnatta na apwiiwa aatthiyana, tti mwemmo ninawehereehu wa Apwiya Mullukwaahu, ophiyera eneerelle echifundo.


Adanaaye kineerewaawariha owulliwa muru, koma olliye aneerowarihiwa enduwira yoonyezimella.”


Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.


Vano atiyere Apwiya. Khalla amasiva nave ollipe murima. Ddawoona, atiyere Apwiya.


Nyu Apwiya, muhinaakhullella wi kiwulliwe muru, kaambiiwa kinavekella wa nyuwaano. Koma athu oonanara sika enaawulliwe muru, eye onipuroni na ookhwa ehinna yoollota.


Akhurumuseni athu attheene awoottha oollota mwawiitukhulla ni mowaavevulla athu oolungama.


Mirima ddahu ddinnaaroromella Apwiya kaambiiwa alliwa tti nikavihero ni yawiitetezellaahu.


Ayo enahakallalla ekaamba ya ddookatamiha ddaka, ewulliwe muru, epallalleye muru. Ayo eneeseesa wi ekipambane, ewulliwe muru, evevuwe.


Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.


Adanaaka eneeronyaambuseya ni woopopiheya moorurumusa eneerothawa moowulliha muru.


Murimaaka onnamaalleya omutiyera Mullukuve, ovullusiwa waka onavenyera wa olliye.


Murimaaka onnamaalleya omutiyerella Mullukuve. Ovullusiwa waka onavenyera wa olliye.


Athu ookiita voohikhalla ekaamba tti awaata okhwaranya meehi a m'muruni mwaka. Athu oopaalla okoononga tti amasiva, okinanariha ni ddawoottha ddiwa. Ethiyo kihokollose nnddo kihiiyalleemi?


Nyu Apwiya Mulluku Amasiva Mattheene, muhaakhullelle wi awuutiyerellani ewulliwe muru ekaamba ya miyaano, Nyu Mulluku a Israele, muhaakhullelle wi oowaashaashani evevulliwe ekaamba ya miyaano.


Athu ookivaanyiha ewulliwe muru nave yoonongeye, oowaashaasha ookivoreya evevulliwe, ewulliwesese muru.


Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”


Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.


Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”


Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.


Apwiya tti aphaama wa ayo enatiyerella mwa alliwa, wa attheene enawaashaasha alliwa.


Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.


Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’


Koma naatiyerellaka eyo nihinooneehu, ninnatiyerella yeeyo moovillella.


Lean sinn:

Sanasan


Sanasan