Masalimo 24:4 - Mawu a Mulluku

⁴ Tti oyo aneera ddaphaama, ari ooreera murima, ahinallapella mafano, ahinallupella moolleka.

Masalimo 24:4 Iomraidhean Croise

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Yobu 9:30

Kihapeve mwawiidde maaddi aweellesesa apaalle kihuwe mattaaka ni sopo,

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Masalimo 18:20

Apwiya yaakithuva moollikana ni echilungamwaaka, yaakidalisa moollikana ni ohichimwa waka.

Masalimo 25:1

Kinavelleella murimaaka wa nyu Apwiya.

Masalimo 26:6

Kinnanawa wooniha wi ngichimmwe, kinnuullapellani va nikuwa nanyu na mukutho, nyu Apwiya.

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Masalimo 51:12

Mukihokolloselle ohakallalla wa ovullusa wanyu, mullipihe mwa miyaano munepa woopaallesesa owiiwellellani.

Masalimo 73:1

Ddawoona, Mulluku tti aphaama wa Israele, wa athu aweella murima.

Miyambo 20:9

Ttaani anaallote wi, “Kooweelliha murimaaka nave nginna nichimo?”

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Ezekiele 18:15

oohillapella mafano a o Israele, oohimuripiha mwaara a mwaneena,

Ezekiele 18:6

ahinachana omiyaangoni ddoollapellamo, ahinallapella mafano a o Israele, ahinamuripiha mwaara amwaneena apaalle okona ni mutthiyana ari omweerini,

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Mateyu 5:8

Oodalisiwa tti ayo eri aweella murima, vawi eneeromoona Mulluku!

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

1 Timoteo 2:8

Kinapaalla wi allopwana evekelleke m'mapuroni muttheene ni owelliha muddullu matta aweella moohivaanyihana apaalle moohikangana.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.