Masalimo 23:4 - Mawu a Mulluku

⁴ Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Masalimo 23:4 Iomraidhean Croise

Yobu 24:17

Wa attheenaalla epiphi sika ohinase wiwa, ddawoopiha dda mwiipiphini sika mwaattaniiwa.

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

Masalimo 118:6

Apwiya yakhalla o embalaaka, ngoova. Muthu ttuukeerella tini?

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Masalimo 14:5

Yaallathi eneerewoova wunchichi vawi Mulluku anakhalla embali ya oolungama.

Masalimo 3:6

Nginawoova adanaaka naari eri anchichi, ayo ekaaphenlle ni owana ni miyaano.

Masalimo 44:19

Komave nyuwaano mooninyenya, moonihiya variyari va akhatwe muhakani ni onihuruwella ni epiphi yawoopiha.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Zekariya 11:10

Vatulli viwa kaakusa ekopwaaka yooromolliwa Echisomo kiyinttaka wooniha otathilla echipangano eyo Apwiya yakeraatthihalliiwa ni mitundu ddittheddene dda athu.

Zekariya 11:14

Vatulli viwa kaayinttakattho ekopo yaneepiilli yooromolliwa Mwiiwanano wooniha omalla wa obale variyari va Yuda ni Israele.

Zekariya 8:23

Va mallapo yaayo athu khumi oovenyera o mitundu dda athu ddoohiyanahiyana eneeromuwanddeellella Muyuda ni ollota wi, ‘Nithaananena kaambiiwa nohiiwa wi Mulluku ari ni nyuwaano.’ ”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.