Masalimo 23:1 - Mawu a Mulluku

¹ Apwiya sika mbusaaka, kheyiivo kinaapaallekeemi.

Masalimo 23:1 Iomraidhean Croise

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Masalimo 78:52

Vano Mulluku ahaakhumiha athwaaye wonanko enkhosa, anaahoollella muchipululuni wonanko eziweto.

Masalimo 79:13

Vaavo hiyaano athwaanyu, enkhosa dda woochihella enama wanyu, nineerewuuthokozani wa enthawi yoohimalla, nineerollalleya dda ntitimiho nanyu wa mibado ddittheddene.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Yeremiya 31:10

Apwiya enallota wi, “Nyu mitundu dda athu ddittheddene, iwani mawu a Apwiya. Llalleyani mawu o ellapo ddawoorekama, dda mukhwipi mwa enyanja. Apwiya ayo yaapallallesille Aisraele eneerewaatthukumanihattho, eneerewaapwatha wonanko mbusa ni enkhosa ddaye.

Ezekiele 34:14

Kineerekoddichihella o mapuro aphaama nave ddineerekocha munyepu wooneneviha o miyaango ddoorekama dda o Israele. Wenko ddineerewiithuuwa o mapuro a munyepu waphaama. Ddineerophwanya mapuro aphaama o miyaango dda o Israele.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”