Masalimo 22:7 - Mawu a Mulluku

⁷ Attheene ookoona ennakittheya, ennakinyindulla ni otikha miru ddiwa.

Masalimo 22:7 Iomraidhean Croise

Yobu 12:4

Kinnattheyiwa ni akhwaaka, miyaano oyo kaveka wa Mulluku, aanakaakhulla, muthu oolungama ni oohichimwa, koma ollello kiri oottheyiwa.

Yobu 16:10

Athu ennakivevulla ni eyano ddiwa, enakuukutha vanramani mweepewe, ennatthukumana ollipana ni miyaano.

Yobu 16:4

Keerollota wonanko muneerelleenyu, mwaariki wonanko kikhallelleemimmu. Keerodduvudda mweezeru murwaaka, keerotthukumaniha mawu awuuhumullullani.

Masalimo 109:25

Ookootthera ennakinyemulla, yakoona ennatikha miru ddiwa.

Masalimo 31:18

Akhurumuseni athu attheene awoottha oollota mwawiitukhulla ni mowaavevulla athu oolungama.

Masalimo 44:14

Moonitthattusa oonyemulliwa variyari va mitundu ddimodda dda athu, akhwiihu ennatikha muru moonittheya.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 57:4

Ethiyo munattheella ni aani, munamwaaka aani, munamuvevulla aani? Ethiyo anamwani a oochimwa, edduullu dda awoottha, khe nyuwaano? Ethiyo oochimwa khe nyuwaano, awoottha khe nyuwaano?

Mateyu 27:29

Vano yaalluwa echipewa ya miiwa emuwariha m'muruni mwaye nave emuphareelliha ekopo mu nnattanatta naye. Nave yaanakokhora vahoollo vaye enamullotella epewe wi, “Mooselliwa, Mwene a Ayuda!”

Mateyu 9:24

aallota wi, “Khumani, attheene! Namwalloolla khakhwille koma animakona!” Vano attheene yaamuttheya mweepewe.

Mariko 15:20

Vano yamallihalliiwa omullotella epewe, yaamurulla mukanjoolle emuwariha ddoowara ddayenndde. Nave yaamuhoolliha oyaana wi yamutthomeye olliye vamutandani.

Mariko 15:29

Athu oovira yaanatikha miru ddiwa enamullotella epewe. Yaanallota wi, “Ha! Weyaano oowora okumulla enyumba ya Mulluku oyimakattho mallapo mararu,

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Luka 23:11

Vano Herode ni akhotwaaye yaamweerella ni omullotella epewe Yesu. Yaamuwariha mukanjo woomwene, emuhokollosella wa Pilato.