Masalimo 22:26 - Mawu a Mulluku

²⁶ Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Masalimo 22:26 Iomraidhean Croise

1 Epilli 29:10

Vano Davide ahaatitimiha Apwiya vamiitthoni va mutthukumano muttheene nave aallota wi, “Nyu Apwiya Mulluku a Israele, nikhollo na Yakobo mutitimiheye wa enthawi yoohimalla”

Masalimo 107:9

Apwiya ennamuwiryiha muthu oovolliwa nthona, ennamuchiha ddeko ddaphaama oovolliwa ettalla.

Masalimo 116:14

Kineereweera nnddo kallupenlleemi wa Apwiya vamiitthoni va athwiiwa attheene.

Masalimo 116:18

Kineereweera nnddo kallupenlleemi wa Apwiya vamiitthoni va athwiiwa attheene,

Masalimo 40:10

Ngaavitthalle m'murimani mwaka dda oolungama wanyu, kaallota dda ororomelleya wanyu ni dda ovullusa wanyu. Va mutthukumano muullupalli ngaavitthalle dda echikondaanyu yoohisintheya ni dda ororomelleya wanyu.

Masalimo 40:16

Koma attheene oowaashaashaani ehakallalle ekaamba ya nyuwaano. Attheene oohakallallella ovullusa wanyu ellotekelloteke wi, “Apwiya tti uullupalli!”

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Masalimo 69:32

Oohoosiwa yiiwe nave ehakallalle, nyu munamwaashaasha Mulluku, mullipettho murima.

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Yesaya 65:13

Sika Apwiya Mulluku enallota wi, ‘Ngoonani, oorumeyellaaka eneerocha koma nyuwaano muneerokhalla ni ettalla. Oorumeyellaaka eneerowirya koma nyuwaano muneerovolliwa nthona. Oorumeyellaaka eneerohakallalla koma nyuwaano muneerowulliwa muru.

Yona 2:10

Vano Apwiya yaalamula ehombeelle wi emurapheyelle Yona o mutundani.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”