Masalimo 22:16 - Mawu a Mulluku

¹⁶ Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Masalimo 22:16 Iomraidhean Croise

Masalimo 22:1

Mullukwaaka, Mullukwaaka kaambiiwa tini mukihiyalleenyu? Kaambiiwa tini muhinakikavihereenyu naari vang'ono? Kaambiiwa tini muhiniiweenyu wiipullella waka?

Masalimo 22:20

Vullusani okumaaka onsupadani, kaakihereni muwano mwa enama ddamuhakani.

Masalimo 38:11

Akhwaaka attheene aakirekamella ekaamba ya eretaaka, abalaakattho ennakirapa.

Masalimo 59:14

Ennawa erive misikuwa yuuwaka wonanko anapwa, yeeteetaka m'muzindani,

Masalimo 59:6

Ennawa erive misikuwa yuuwaka wonanko anapwa, eneeteeta m'muzindani.

Masalimo 86:14

Nyu Mulluku, athu eepewe aakiwukila, athu eekuku ennaashaasha okumaaka, khenapwatha dda nyuwaano.

Yesaya 53:5

Yaamuhoma ekaamba ya machimwaahu, yaamuphinyulla ekaamba ya ddoolakwa ddahu. Ollaka nko wamumorenlle olliye woonivaha hi murendelle, makhwataaye aanichiriha.

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Mateyu 26:57

Vano ayo yammakille Yeswaayo yaamukusella wa Kayafa, mullupa mukutho muullupalli, nko yatthukumanne ahuddihi a malamulo* ni attekweene a Ayuda.

Mateyu 27:35

Yaamutthomeya vamutandani ni okawana ddoowara ddaye weekhiiwa yoombesille.

Mateyu 7:6

“Muhaavaheke anapwa ddeko ddaweella, woova wi ttuurukunuwa ni wuullumani. Navettho muhinavokhella ddeko ddanyu ddoowallamella mutengo vahoollo va ekumba kaambiiwa ddineeronyingallella ni manyallwiiwa.

Mariko 15:24

Vano yaamutthomeya vamutandani ni okawana ddoowara ddaye weekhiiwa yoombesille wi yoone ttaani anaakuse eevi.

Luka 23:23

Koma athwaayo yaavirellellave okhuwa wi Yesu atthomeyiwe vamutandani nave omamallihelloni wene yaamugonjiha Pilato ni okhuwa wiwanko.

Luka 23:33

Nave yaphiyalliiwa onipuroni nooromolliwa “Nipuro na Nikharakadda,” yaamutthomeyawo vamutandani Yesu ni ezigawenga, mmodda onnattanatta naye nave mmoddooyo onnatta noonyottho naye.

Yohane 19:23

Akhotwaalle yamutthomeyilliiwa vamutandani Yesu, yaakusa ddoowara ddaye eddikawa vasese nave arive akhoto akusa emodda. Yaakusattho mukanjwaaye olle wasowiwe waambeella vaddullu ophiyera vatthi woohiminikiwa.

Yohane 19:34

Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Yohane 19:37

Nave mawu a Mulluku enallotattho wi, “Eneeroweha va oyo yaamuhomilliiwa.”

Yohane 20:25

Sika oohuddera amodda yaamulleella wi, “Noowoona Apwiya!” Koma Tomasi ahaalleella wi, “Kaahoona makhwata a misomali m'mattani mwiwa nave kaattannya ni eyaallaaka m'makhwatanimmo navettho kaattannya ni nnatta naka mu epararuni mwaye, ngiwa kikhulupilila.”

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Afilipi 3:2

Muchenjerekena ayo eneera ddeko ddoonanara wonanko anapwa, ayo enallipihella wiiremarema mwiilli

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.