Masalimo 21:9 - Mawu a Mulluku

⁹ Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Masalimo 21:9 Iomraidhean Croise

Genesis 19:28

Aaweha o mizinda dda Sodomu ni Gomora ni o ntaponne. Nave ahoona mwiisi ori tungulii okhuma muntaponimmo wonanko mwiisi wookhuma mu eng'anjo.

Ezara 6:12

Mulluku oyo atthoollille Yerusalemu wi akhalle nipuro noomullapellawo amugonjihe arive mwene apaalle orive mutundu oyo onaasinthe ddenndda apaalle woononga enyumba ya Mulluku mu Yerusalemu. Miyaano Dariusi kookeraatthiha lamulonna nave arive muthu iiwellelle ni murima muttheene.”

Yobu 6:3

Vawi ddaaweerollemella okhwaranya mihava wamunyanja, sika ekaambiiwa kinalloteemi mookhaddulla.

Masalimo 106:17

Vano ethaya yahaatthama emumirya Datani, evuhella mulloko wa Abiramu.

Masalimo 18:38

Kahaaphoriiha wawi kheyaahihimuwallettho, kahaanyingallella ni manyallwaaka.

Masalimo 18:8

Mphunani mwaye mwaathuwa mwiisi, muwano mwaye mwaanakhuma munllo wawoononga, mallumi amunllo yaari llave, llave!

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Masalimo 2:5

Moonanariwa, eneerewaahumullulla, moowoopopiha, eneerewaasimwella.

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Maliro 2:2

Apwiya yahoononga mooheerella echifundo mizi ddittheddene dda Yakobo. Ekaamba ya osha murima, aakumulla mipanda dda mizinda dda mwaana aamutthiyana a Yuda. Aaddikuhella vatthi moowulliha muru omwene wa Israele ni oolamulelliiwa.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mateyu 13:42

Nave eneerovokhelliwa vamunlloni wawoopiha, wenko eneerekewinlla ni okhuuriha miino.

Mateyu 13:50

Nave oonanaraayo eneerewaavokhella vamunlloni wawoopiha, wenko eneerekewinlla ni okhuuriha miino.”

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mateyu 3:10

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yawuupullulla 20:14

Nave okhwa vamodda ni ellapo ya ookhwa ddaavokhelliwa mu enyanja ya munllo. (Enyanja ya munllweella sika okhwa waneepiilli.)