Masalimo 21:5 - Mawu a Mulluku

⁵ Mwaamupambaniha wi ariiheye wuullupalli, mwaamweeriha wi akhalle ni olemu muullupalli.

Masalimo 21:5 Iomraidhean Croise

2 Samuele 7:19

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku, mwaalonjezattho nibanja naka mi oorumeyellaanyu dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

1 Mamwene 3:14

Nave waathwaraka ettilla ddaka vawiiwellellani malangizwaaka ni malamulwaaka monga attiitthaawo Davide, kineerewuuvaha okumi woorekama.”

1 Epilli 17:27

Sika vano kinuuvekani wi mudalise nibanja na mi oorumeyellaanyu wi nikhallekewo wa enthawi yoohimalla vamiitthoni va nyu, Apwiya Mulluku. Vawi eyo muyidalisalleenyu enakhalla yoodaliseya wa enthawi yoohimalla.”

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 133:3

Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Masalimo 8:5

Koma moomuphatusa mooyeveella vang'ono ni Mulluku, moomuriiha ni omuvaha olemu woomwene.

Masalimo 96:6

Ntitimiho ni omwene ddiri vamiitthoni viwa, masiva ni oreera ddiri mpa mwiwa.

Yesaya 63:1

“Ethiyo ttaani anavenyera o Edomu, awanre ddoofiira dda o Bozira? Ethiyo ttaani awanre ddoowara ddooreera, aneeta mookotella masivaaye?” Tti miyaano oollalleya echilungamo ni amasiva oovullusa.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Yohane 17:1

Yesu amanlleeye ollota nndda aaweha oddullu allota wi, “Attiitthaaka, enthawi yoophiya. Kititimiheni miyaano Mwaninyu wi nameenettho kuutitimiheni nyuwaano.

Yohane 17:22

Kaakawanana ntitimiho mwakivahilleenyu wi ekhalle amodda, wonanko mmo nyuwaano ni miyaano niri amodda.

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.