Masalimo 19:2 - Mawu a Mulluku

² Orive otthaana onnatthopoollella ddenndda otthaana woothwarellella, orive mahiiyu onnalleella ddenndda wa mahiiyu oothwarellella.

Masalimo 19:2 Iomraidhean Croise

Genesis 1:6

Vano Mulluku aallota wi, “Vikhalle yoohiyaniha maaddi wi maaddaayo ekawaneye mapuro meelli”

Genesis 1:7

nave nndda ddaheereya. Sika Mulluku aaphatusa yoohiyaniha maaddi, waahiyaniha maaddaayo wi amodda ekhalla vatthi va yoohiyaniheeyo amoddaayo vaddullu viwa.

Genesis 8:22

Enthawi ettheene ellapo enaakhallellekiiwa, vineerokhalla enthawi yawaalla ni enthawi yoohata. Vineerokhalla enthawi yooriirya ni enthawi yooviha, enthawi yeellimwe ni enthawi yeeyitta navettho vineerokhalla otthaana ni mahiiyu wa enthawi yoohimalla.”

Masalimo 148:12

Nyu asombwe ni anamwalli, nyu awuulluvalla ni anamwaneene!

Masalimo 150:1

Aleluya! Mutitimiheni Mulluku mu nipuro niwa naweella, mutitimiheni mu oddullu waye wamasiva.

Masalimo 74:16

Mwaaphatusa otthaana ni mahiiyu, mwaahiya nndduwa ni mweeri m'mapuroni mwiwa.

Masalimo 8:4

kinniikoha wi, “Muthu ttaani wi mumuupuwelleke? Muthu ttaani wi mumpwatheke?”

Yesaya 38:19

Ookumi, ookumive ennuutitimihani, wonanko kineerelleemimmu. Attiitthi ennaalleella aniiwa dda ororomelleya wanyu.