Masalimo 19:14 - Mawu a Mulluku

¹⁴ Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Masalimo 19:14 Iomraidhean Croise

Yobu 19:25

Kinnadduwella wi ookoopollaaka tti mukumi, voomallihella aneeroowa wi akoopolle.

Masalimo 104:34

Mavekellwaaka yaaddivelle Apwiya vawi kinnahakallalla mwa alliwa.

Masalimo 119:108

Nyu Apwiya, akhellani mavekellwaaka oothokoza, mukihuddihe malangizwaanyu.

Masalimo 51:15

Apwiya hullani vayanoni vaka wi yuutitimiheni nyuwaano.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Yesaya 43:14

Apwiya, Oowoopollanaanyu, Aweella a Israele enallota wi, “Kineeroruma mulloko wa akhoto wallipane ni Babiloni wi kuuvulluseni. Kineerokumulla millako dda muzindooyo, ohakallalla wa athu oneerotthattuwa winlla.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yesaya 47:4

Aweella a Israele sika Oonoopollaahu, nnddina naye tti Apwiya Amasiva Mattheene.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.