Masalimo 18:8 - Mawu a Mulluku

⁸ Mphunani mwaye mwaathuwa mwiisi, muwano mwaye mwaanakhuma munllo wawoononga, mallumi amunllo yaari llave, llave!

Masalimo 18:8 Iomraidhean Croise

Genesis 19:28

Aaweha o mizinda dda Sodomu ni Gomora ni o ntaponne. Nave ahoona mwiisi ori tungulii okhuma muntaponimmo wonanko mwiisi wookhuma mu eng'anjo.

Yobu 41:19

Muwano mwaye munnakhuma mitthiko ddamunllo, Muwano mwaye munnanthamuwa munllo.

Masalimo 104:32

Ellapo yavatthi ennatthukumella alliwa yayiweha miyaango ddinnathuwa mwiisi yaddittannya.

Masalimo 11:6

Apwiya eneerewaarumihella oonanara munllo ni sulufure wonanko murimu. Eneerewaallaka ni ephevo yooviha moollikana ni ddaweera ddiwa.

Masalimo 21:9

Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

Masalimo 74:1

Nyu Mulluku, kaambiiwa tini munanikhooteenyu wa enthawi yoohimalla? Kaambiiwa tini onanariwa wanyu onoosiiwa enkhosa woochihella enama wanyu?

Yesaya 24:18

Arive muthu oothawa onyakulla wa ddawoopihannddo aneeromorella mullitini nave ookhuma munllitinimmo aneeromakiwa m'musamphani. Oddullu oneerohulleya nave matthipello mattheene a ellapo yavatthi eneerotikheya.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

Levitiko 10:2

Sika Apwiya yaakhariha munllo waashellelliha nave attheene yaakhwa vamiitthoni va Apwiya.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 16:35

Vano vaakhara munllo woovenyera wa Apwiya nave wahaashellelliha athu 250 alle yathuwiha mwiisi lubani.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Yawuupullulla 11:5

Muthu apaalla wi aaphoriihe, munllo onnakhuma muwano mwiwa owoononga adaniiwa. Sika emoddamoddave yeeyo, arive muthu anapaalla waaphoriiha iiphiwe.