Masalimo 18:4 - Mawu a Mulluku

⁴ Mikwe dda okhwa ddookihuruwella, mihinje ddawoononga ddaakisefukella.

Masalimo 18:4 Iomraidhean Croise

2 Epilli 20:21

Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

2 Epilli 20:22

Yaambille wiipa ni ollapella, Apwiya yahaareya musampha Aamoni, Amowabu ni athu a o mwaango wa Seiri ayo yawiille wi ellipane ni Ayuda mwawi yahaagonjiha athu attheene.

Masalimo 116:3

Misampha dda okhwa ddaakaapheella, ddawoopiha dda ellapo ya ookhwa ddaakimorella, kahoona ddookatamiha, kaamoriwa ethakaraka.

Masalimo 124:4

ddaano echigumula enikusalle, maaddi oosefukella enikwekweresille,

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Yesaya 13:8

Attheene eneerotathilla murima ni wiiwa ovoreya wonanko wa mutthiyana aayaraka. Eneerekowehana mwawoova nave ekhove ddiwa ddineerewooniha woova.

Mateyu 26:47

Yesu allotaka ddiiddo, Yudasi, mmodda a khumi ni eelli a oohudderaalle aaphiya ni mulloko muullupalli wa athu ekusalle masupada ni ekoonda erumiwe ni allupa mukutho uullupalli ni attekweene a Ayuda.*

Mateyu 26:55

Enthawi yeeyo Yesu aallota wa mullokoolle wi, “Muphiyalle ni masupada ni ekoonda wi mukimake, ethiyo miyaano tti echigawenga? Nllapo ni nllapo kaanakhalla mu enyumba ya Mulluku kihuddihaka koma khamwaakimakille.

Mitteko 21:30

M'muzindani mutthemwene mulle mwaahaanganyereya nave athu attheene vamodda yaathamaka yamphara Paulo nave emupurullella otte wa enyumba ya Mulluku nave enthawi yeeyo millako ddaawalliwa.

2 Akorinto 1:9

Naganiza wi nineerolamuliwa wi niiphiwe. Koma nndda ddaheereya wi nihiiroromelleke weekhiihu koma nimuroromelleke Mullukuve oyo anaavenyiha athu ookhwa.