Masalimo 18:25 - Mawu a Mulluku

²⁵ Wa athu oororomelleya, nyu Mulluku munnaddooniha oororomelleya. Wa athu aphaama wunchichi, munnaddooniha aphaama wunchichi.

Masalimo 18:25 Iomraidhean Croise

1 Mamwene 8:32

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Yobu 8:6

wakhalla aphaama ni oolungama, ddawoona, Mulluku aneerovenya ni wuukavihera aneerewuuhokollosella ddaphaama ddawuuphwanella.

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

Yesaya 26:7

Nyu Apwiya, munnallima musewu wa oolungama, munnookolla ettilla ya ooreera murima.

Mateyu 5:7

Oodalisiwa tti ayo enaweerella echifundo athu akhwiiwa, vawi Mulluku aneeroweerellattho echifundo!

Aroma 9:14

Sika vano nillote wi Mulluku khanna echilungamo? Khe ddiiddo.