Masalimo 18:2 - Mawu a Mulluku

² “Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 18:2 Iomraidhean Croise

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

Masalimo 116:1

Kinnaakonda Apwiya ekaamba yawi enniiwa mawaaka kaavekellaka.

Masalimo 132:17

Davide kineeromuphuwelliha nnyaka wenko, koomukhozella enyali oozoziwaaka.

Masalimo 144:2

Tti oororomelleyaaka ni woothawellawo waka, mpandaaka wookivullusa ni echishangwaaka yoothawellawo, ennahiya mitundu dda athu vatthi va olamulellwaaka.

Masalimo 19:14

Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Masalimo 28:1

Nyu Apwiya, kinnawiithanani nyu nlluku naka, muhinakhalla wonanko khamunakiiwa kaambiiwa mweera ellapo tuu, kineerophwanaphwana ni ookitthella o mahame.

Masalimo 59:11

Muhinawiiphella vaava, woova wi athwaaka enaatiwalle, koma mwaapallallese ni masivaanyu nave mwaakuhe, Nyu Apwiya, oonitetezaahu.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 62:7

Ovullusiwa ni oriihiwa waka ddiri wa Mulluku, nlluku naka namasiva, woothawella waka.

Masalimo 75:10

Olliye aneerewaakitthiha athu attheene oonanara koma aneerewaawelliha athu oolungama.

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Masalimo 91:4

Eneerewuukhuneella ni muuphellwiiwa, oneerophwanya moothawellamo m'muuphelloni, ororomelleya wiwa onnateteza wonanko echishango.

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Miyambo 2:7

Apwiya ennavelleella ezeru yaphaama wa athu oolungama nave ennaateteza ayo eri oororomelleya.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Aheberi 2:13

Aallotattho wi, “Kineeromuroromella Mulluku.” Nave allotattho wi, “Ngoonani, kiri mva vamodda ni anamwani kavahiweemi ni Mulluku.”