Masalimo 16:11 - Mawu a Mulluku

¹¹ Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Masalimo 16:11 Iomraidhean Croise

Masalimo 139:24

Moone kaarimi kithwaraka erive ettilla yoonanara, mukihoollelle mu ettillaanyu yoohimalla.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 4:8

Kineerokonaatthi ni okona mwamurendelle, vawi tti nyeeneve Apwiya munakiteteza miyaano.

Masalimo 68:4

Mwiipelleni Mulluku, machipo ootitimiha nnddina naye. Mwiipelleni nchipo noomutitimiha oyo anawella vamiraponi. Nnddina naye tti Apwiya, muhakallalle vamiitthoni viwa.

Miyambo 12:28

M'meetello a muthu oolungama mookhalla okumi nave mu ettillaaye khamuri okhwa.

Miyambo 2:19

Khaavo naari mmodda oyo anahokollowawo aya wa olliye. Khanahokollweella o ettilla ya okumi.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Miyambo 5:6

Khanayipwatha ettilla yookumi naari vang'ono, misewu ddaye tti ddookhoromana koma khanadduwella.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Mateyu 25:33

Kineerewaahiya athu aweera echilungamo o nnattanatta koma amodda o nnatta noonyottho.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Mateyu 5:8

Oodalisiwa tti ayo eri aweella murima, vawi eneeromoona Mulluku!

Mateyu 7:14

Vawi mullako wooyana o okumi woohimalla tti mung'onong'ono nave museweene tti wookatamiha sika athu enawuphwanya yoolla tti ooyeva.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Mitteko 2:28

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano.’ ”

Mitteko 7:56

Vano aallota wi, “Ngoonani, kinnoona oddullu woohulleya nave Mwaana a Muthu iimenlle onnattanatta na Mulluku!”

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Aefeso 3:19

Ddawoona, kinavekella wi mudduwelle echikondi ya Khrisitu naari khonaworeya odduwellesesa wi muddalliwe ni okumi muttheene wa Mulluku.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.