Masalimo 149:4 - Mawu a Mulluku

⁴ Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 149:4 Iomraidhean Croise

Masalimo 117:2

Vawi echikondiiwa wa hiyaano tti yoohisintheya, ororomelleya wa Apwiya tti wa enthawi yoohimalla. Aleluya!

Masalimo 132:16

Allupa mukuthwaaye kineerewaawariha ovullusa oororomelleyaaye eneerokhuwa moohakallalla.

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Masalimo 22:8

Enallota wi, “Waaroromella Apwiya, Apwiya yaayo yuuvulluse, ewoopollethi vano vawi ennuukonda.”

Masalimo 35:27

Koma ayo enapaalla wi kiphwanyeye oohilakwa, ekhuweke moohakallalla wi, ‘Apwiya tti uullupalli, ennahakallalla oorumeyelliiwa ddamweetella phaama.’

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Miyambo 11:20

Athu ookhoromana murima enniitana ni Apwiya koma ooreera murima mu ettilla ddiwa ennaahakallalliha Apwiya.

Nchipo na Solomoni 1:11

Koma nineerewuupangella ogufu wa golide, wookhalla ni mikhova dda siliva. Namwalli

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Aheberi 12:10

Attiitthiihu a ellapo yavattheella yaananillaka wa enthawi yooyeva yoona wi tti woopaalleya wa alliwaayo. Koma Mulluku annanillaka wi ddinikavihere hiyaano wi nikhalle aweella wonanko olliye.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.