Masalimo 149:3 - Mawu a Mulluku

³ Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 149:3 Iomraidhean Croise

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

2 Samuele 6:16

Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

1 Epilli 25:6

Alliwa yiipesa ni misangwa, magitala ni azeze voorumeyellani o enyumba ya Mulluku moohoollelliwa ni attiitthiiwa. Asafu, Yedutuni ni Hemani yalamulelliwa ni mwene.

2 Epilli 20:28

Yaaphiya o Yerusalemu yiipaka magitala, azeze ni mapallapata eyaaka enyumba ya Apwiya.

2 Epilli 29:25

Vano ahaahiya Alevi o enyumba ya Apwiya ni ezida ddawiipella machipo moollikana ni lamulo na Davide ni namallotella Gadi, oollohella a mwene, ni namallotella Natani. Vawi lamulo nenno tti na Apwiya oyeella mwa anamallotelliiwa.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Masalimo 30:11

Mootthattusa winlla waka wi okhalle wiina, mookivenyihella ethakarakaaka mukivaha ehakallallo.

Masalimo 33:2

Athokozeni Apwiya ni gitala, wiipelleni nchipo ni echida ya enthambo khumi.

Masalimo 81:2

Ambani nchipo, ipani ekoma vamodda ni gitala awinlla phaama ni zeze.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 87:7

Awiipa ni awiina eneerollota wi, “Aneetuutwaaka attheene eri mwa weyaano.”

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Yeremiya 31:13

Anamwalli eneerewiina moohakallalla, asombwe ni awuulluvalleene eneerohakallalla. Winlla wiwa kineerowutthattusa ohakallalla, kineerewaahakallalliha ni waavutta miitthori ddiwa.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Oweeruza 11:34

Vatulli viwa Yefita aahokollweella owaniwa o Mizipa. Vano ngoonani, mwanaye aamutthiyana aakhuma amuchingamella, iipaka ekoma nave iinaka. Olliye aari mwanaye mmodda yooyo. Khaarinattho arive mwaana, aamullopwana apaalle aamutthiyana.