Masalimo 148:7 - Mawu a Mulluku

⁷ Atitimiheni Apwiya ovenyera va ellapo yavatthi, nyu enama ddawoopiha ddam'maaddini ni enyanja ddittheddene ddoowallamella,

Masalimo 148:7 Iomraidhean Croise

Genesis 1:21

Sika Mulluku aaphatusa ehomba dduullupalli ddamunyanja ni ddoophatusiwa ddimodda ddittheddene ddookhalla m'maaddini, vamoddattho ni epallame ni ddoovava ddimodda ddamitundumitundu. Nave Mulluku ahoona wi nndda ddaari ddaphaama.

1 Mamwene 13:28

Vano aaya awuphwanya mutembo ori va musewuni nave bulu ni mukango ddiimenlle vakhwipi ni mutembooyo. Mukangooyo khawaattakhunne mutembooyo apaalle omukhaddulla buloolle

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Yesaya 43:20

Enama ddamuhakani ddineerokiriiha, akhatwe ni anthiwatiwa eneerokititimiha, kaambiiwa kineereweetiha maaddi muchipululuni, mihinje mu ellapo yawumma wi kaavahe maaddi athwaaka ootthoolliwa.