Masalimo 148:4 - Mawu a Mulluku

⁴ Nyu mirapo ddamuddullu, nyu maaddi amuddullu, atitimiheni!

Masalimo 148:4 Iomraidhean Croise

Genesis 1:6

Vano Mulluku aallota wi, “Vikhalle yoohiyaniha maaddi wi maaddaayo ekawaneye mapuro meelli”

Genesis 1:7

nave nndda ddaheereya. Sika Mulluku aaphatusa yoohiyaniha maaddi, waahiyaniha maaddaayo wi amodda ekhalla vatthi va yoohiyaniheeyo amoddaayo vaddullu viwa.

Genesis 7:11

Nowa ari ni miyakha 600, va nllapo na 17 na mweeri waneepiilli, aneetuutu amaaddi manchichi ookhalla vatthi va ellapo yaatuuwa nave oddullu waahulleyattho wi maaddi manchichi ekhume.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

2 Epilli 2:5

Enyumba kinaamakeemi enaakhalle yuullupalli vawi Mullukwaahu tti muullupalli okhwaranya milluku ddittheddene.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Masalimo 104:3

moomaka enyumbaanyu vamaaddini amuddullu. Mirapo ddoothamaka ddiri wonanko nigareta nanyu, munneeta vamuuphelloni a ephevo.

Masalimo 113:6

enawaramella vatthi voowehani eddullu ni ellapo yavatthi.

Masalimo 68:33

Apwiya ayo enawella m'miraponi, muddullu mwakhallekhalle iwani mawiiwa amasiva manchichi.

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

2 Akorinto 12:2

Kinnamudduwella ookhulupilila mmodda aamullopwana oyo aakusiwe oya oddullu miyakha khumi ni misese ddivirallennddo (nginadduwella wi nndda ddaheereya apaalle ddaari ddoolloha, anadduwella tti Mullukuve).

Deuteronomo 10:14

Ngoonani, oddullu ni ddittheddene ddiri wenko, ellapo yavatthi ni ddittheddene ddiri mwemmo tti dda Apwiya Mullukwaanyu.