Masalimo 147:5 - Mawu a Mulluku

⁵ Apwiyaahu tti uullupalli, tti amasiva manchichi, ezeru ddiwa khaddinna vookomella.

Masalimo 147:5 Iomraidhean Croise

1 Epilli 16:25

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene

Yobu 36:5

Mulluku tti amasiva koma khanamuvevulla muthu, ekaamba yawi annadduwella erive ello.

Masalimo 135:5

Vawi kinnadduwella wi Apwiya tti uullupalli, Apwiya aakhwaranya milluku ddittheddene.

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Masalimo 40:5

Nyu Apwiya Mullukwaaka, mooweerella ddoottikhiniha anchichi, moonikhonzera ddoolinga ddaphaama. Khaavo naari mmodda anaphwanaphwana ni nyuwaano. Keehina killota nave kitthopoolle dda ddenndda, ngiwora weerenga ddittheddene ekaamba ya waata wiiwa.

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Masalimo 96:4

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene.

Masalimo 99:2

Apwiya tti uullupalli o Ziyoni, eri vaddullu va mitundu ddittheddene dda athu.

Yesaya 40:28

Ethiyo khawaadduwella? Ethiyo khawiiwalle? Apwiya sika Mulluku oohimalla, oophatusa a ellapo yavatthi ettheene, khenatopa apaalle ofooka, khaavo aniiwesesa ezeru ddiwa.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Yeremiya 10:7

Ttaani oyo ahinaawooveni, nyu mwene a mitundu dda athu? Vawi munnaphwanella wooviwa. Variyari va eezeru attheene ni va mamwene mattheene a va ellapo yavatthi, khaavo mmoddattho oollikana ni nyuwaano.

Daniele 2:20

Olliye aallota wi, “Nnddina na Mulluku nititimihiwe wa enthawi yoohimalla, ezeru ni masiva ddittheddene tti ddaaye.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.