Masalimo 147:12 - Mawu a Mulluku

¹² We Yerusalemu, atitimihe Apwiya, we Ziyoni, muriihe Mullukwaawo.

Masalimo 147:12 Iomraidhean Croise

Masalimo 146:10

Apwiya eneerokhalla mwene wa enthawi yoohimalla, we Ziyoni, Mullukwaawo aneerolamulella wa mibado ddittheddene. Aleluya!

Masalimo 149:2

Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.