Masalimo 147:11 - Mawu a Mulluku

¹¹ koma Apwiya ennahakallalla ni athu oowoova, ayo enatiyera echikondiiwa yoohisintheya.

Masalimo 147:11 Iomraidhean Croise

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 33:18

Apwiya ennaawehera athu oowiiwellella, ootiyera echikondiiwa yoohisintheya,

Masalimo 33:22

Nyu Apwiya echikondaanyu yoohisintheya ekhalle va hiyaano kaambiiwa ninnuuroromellani nyuwaano.

Masalimo 35:27

Koma ayo enapaalla wi kiphwanyeye oohilakwa, ekhuweke moohakallalla wi, ‘Apwiya tti uullupalli, ennahakallalla oorumeyelliiwa ddamweetella phaama.’

Miyambo 11:20

Athu ookhoromana murima enniitana ni Apwiya koma ooreera murima mu ettilla ddiwa ennaahakallalliha Apwiya.

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.