Masalimo 147:10 - Mawu a Mulluku

¹⁰ Masiva a akavalo khenaaddivella, ekophollo dda akhoto kheddinaahakallalliha,

Masalimo 147:10 Iomraidhean Croise

2 Samuele 1:23

“Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

Yobu 39:11

Ethiyo ttuuroromella enari ekaamba ya masiviiwa, apaalle ttuuyihiyera muttekwaawo?

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Miyambo 21:31

Kavalo annakhozekelliwa nllapo noowana ekhoto koma Apwiya sika enamupambaniha.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.